Description
Die verhaal neem die lesers op ʼn lugballonavontuur saam met Katerien, Stef, Ouma Kathie en ʼn Great Dane-brak – Krummel. Ouma Kathie se emmerskoplys neem hulle letterlik na hoër hoogtes. Die titel vorm deel van die Best Books vir klaslees-reeks wat fokus op leesboeke wat EAT-leerders in die klas kan lees. Die memorandum vir die kontekstuele vrae agterin die boek, asook ekstra onderrigmateriaal, word gratis na publikasie van die boek op bestbooks.co.za gelaai.
Heléne het onderwys studeer en daarna vir ‘n jaar as au pair in Oostenryk gewerk. Gedurende haar onderwysloopbaan het sy laerskoolleerders se lewens aangeraak as Grondslagfasejuffrou, maar ook later as Afrikaansonderwyseres vir die Intermediêre Fase en as skoolbibliotekaresse. Heléne en haar gesin woon in die Swartland.
