Description
Die astronoom wil van haar verlede ontsnap. Die komponis het ’n toekoms wat hy nie wil trotseer nie. In die onmoontlike “nou” ontstaan ’n aarselende verhouding tussen dié twee beskadigdes; wentel hulle om mekaar met kragte wat tot vernietiging óf vernuwing kan lei.
Die skrywer: Prof. Willem Anker doseer kreatiewe skryfkunde. Siegfried (2007) ontvang die UJ-debuut- en Jan Rabie/Rapportprys. Buys (2014) is met die WA Hofmeyr, UJ-, kykNET-Rapport-, Helgaard Steyn- en Hertzogprys bekroon. Red Dog (2018) was op die International Booker-langlys. Skepsel (2020) ontvang die UJ-prys, kykNET-Rapportprys en ATKV-Woordveertjie.
