Description
Eerlike, rou en op-die-man-af-stories geskryf deur manne van dié elite-eenheid oor oomblikke wat hulle nooit sal vergeet nie.
Valskermbataljon-verhale laat hul ervarings lewe soos net hulle dit onthou en geskryf het.
Hierdie is ‘n boek nie net vir en oor soldate nie, maar vir elkeen wat nog ooit gewonder het oor die manne in maroen, hul valskerms en die eenheid.
Die skrywer: Mike Bolhuis was ‘n lid van die Valskermbataljon en is ook ’n bekende Suid-Afrikaanse privaat ondersoeker en die stigter van Specialised Security Services (S.S.S.). Met meer as 35 jaar ondervinding het hy ‘n formidabele reputasie opgebou vir sy doeltreffende hantering van ernstige geweldsmisdade, ekonomiese en kubermisdaad.
Sy organisasie staan bekend as die “laaste uitweg” vir sake wat ander instansies nie kan oplos nie. Sy Christelike waardes vorm die grondslag van sy werk en hy beywer hom vir die rehabilitasie van misdaadslagoffers. Sy onwrikbare toewyding het hom gevestig as ‘n baanbreker in die stryd teen misdaad.
