Description
Dokter Madeline du Bois se man verkul haar met ‘n verpleegster en sy besluit om die huwelik te beeindig. Sy doen aansoek vir ‘n pos in die Kaap by die nuwe Jonkershoek–kliniek buite Stellenbosch waar sy die eienaar, dokter Brian Thompson, ontmoet.
Madeline voel dadelik sterk aangetrokke tot Brian, al is sy nou versigtig vir mans. Brian reken hy rou nog oor sy oorlede vrou, maar besef ook dat hy Madeline nie kan weerstaan nie. Nie een van die twee beoog weer ‘n verhouding nie, maar hulle kan ook nie die aantrekkingskrag tussen hulle ignoreer nie.
Sal hulle die vele uitdagings kan oorwin en toelaat dat die liefde ou wonde genees?
DIE SKRYWER: Malene Breytenbach woon op Stellenbosch. Sy het by Stellenbosch Universiteit gewerk toe haar eerste romanse, Palmyra herleef, in 2005 gepubliseer is. Sedertdien is sestig romanses (kontemporer, medies en histories) gepubliseer. Tans skryf sy voltyds. Sy is getroud met Willie. Hulle dogter, Karen, is getroud met Barry Botha en daar is drie kleinkinders. Malene skryf ook romans, kortverhale in bundels en tydskrifte, en sy resenseer boeke vir Helderberg FM.
